በኩላሊት ህመም የሚሰቃየው ጋዜጠኛ ውብሸት ታዬ በቂ ህክምና ሳያገኝ ወደ ዝዋይ እንዲመለስ ተወሰነ

ዘጋቢ ጋዜጠኛ ዳዊት ሰለሞን ከአዲስ አበባ
በዝዋይ ወህኒ ቤት ቆይታው ለከፍተኛ የኩላሊት ህመም በመዳረጉ የተሻለ ህክምና ያገኝ ዘንድ በማረሚያ ቤቱ ክሊኒክ ሪፈር የተጻፈለት ጋዜጠኛ ውብሸት ታዬ ወደ አዲስ አበባ ቃሊቲ ማረሚያ ቤት ቢዘዋወርም የናፈቀውን የተሻለ ህክምና ሳያገኝ ወደ ዝዋይ ማረሚያ ቤት እንዲመለስ መወሰኑን ለጉዳዮ ቅርበት ያላቸው ምንጮች አስታውቀዋል፡፡

ውብሸት ከቤተሰቦቹ ራቅ ባለ የዝዋይ ማረሚያ ቤት የእስር ጊዜውን እንዲገፋ በመደረጉ በየጊዜው መጎብኘት የተሳናቸው ቤተሰቦቹ በቅርበት ሊጎበኙት ወደሚችሉበት ማረሚያ ቤት እንዲዘዋወር ሲጠይቁ መቆየታቸው አይዘነጋም፡፡የቀድሞው የአውራምባ ታይምስ ምክትል አዘጋጅ ወደ ቃሊቲ እንዲዘዋወር ከተደረገ በኋላም ጤንነቱ ምንም አይነት መሻሻል ባለማሳየቱ ህክምና የማግኘት መብቱ እንዲከበርለት የማረሚያ ቤቱን ሃላፊዎች ሲጠይቅ ቆይቷል፡፡
ጋዜጠኛው ህክምና ለማግኘት በሚጠባበቅበት ሰዓት ወደ ዝዋይ እንዲመለስ መወሰኑ በቤተሰቦቹ ላይ ከፍተኛ ድንጋጤ ፈጥሯል፡፡ከዚሁ ጋር በተያያዘ አበበ ቀስቶና አቶ በቀለ ገርባ በተመሳሳይ መልኩ ከዝዋይ ማረሚያ ቤት ህክምና ማግኘት ወደሚችሉበት ቃሊቲ እንዲዘዋወሩ ቢደረግም ህክምና የማግኘት መብታቸውን የቃሊቲ አመራሮች ባለማክበራቸው ከእነህመማቸው እንደሚገኙ ምንጮቼ ጠቁመዋል፡፡

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s