GM crops: European scientists descend on Africa to promote biotech

የዘረ መል እህሎች (Genetically Modified) ጉዳይ፡ አውሮፓውያን ሳይንቲስቶች ባዮቴክኖሎጂን በአፍሪካ ለማስፋፋት ወደ አህጉሪቱ እየዘመቱ ነው፡፡ የዘረ መል ቴክኖሎጂ ምግብ አምራች ድርጅቶች ቀጣይ አላማ አፍሪካ እንደሆነችና ለዚህም አውሮፓውያን ሳይንቲስቶችና ፖሊሲ አውጪዎች የአፍሪካ መንግስታት ይህን አጨቃጫቂ የእህል ዘር እንዲያመርቱ ለመገፋፋት ወደ ኢትዮጵያ ሊያቀኑ እንደሆነ ተዘገበ፡፡

የአውሮፓ ኮምሽን ዋንኛ የሳይንስ አማካሪ የሆኑት አን ግሎቨር፣ የጀርመን፣ ሀንጋሪ፣ ጣሊያንና ስዊዲን የዘረ መል ተክሎች ደጋፊ ሳይንቲስቶችና ፖሊሲ አውጪዎች በዚህ ሳምንት ከኢትዮጵያ፣ ኬንያ፣ ጋና እና ናይጄሪያ የግብርና ሚንስትሮችና ከአፍሪካ ህብረት ተወካዮች ጋር ውይይት ሊያደርጉ እንደሆነ ታውቋል፡፡

በዚህ ሳምንት የሚደረገውን ይህን ስብሰባ በጥርጣሬ የሚያዩት ታዛቢዎች የስብሰባው አላማ አፍሪካውያን ገበሬዎችን ይጥቀም አይጥቀም ግድ በሌላቸው አካላት የዚህን አወዛጋቢ የእህል ዘር በመንግስት ደረጃ በአፍሪካ አህጉር እንዲተከል ለማስቻል የተደረገ የሽፋን ዘመቻ ነው ይሉታል፡፡

“አብዛኛው የአውሮፓ ህብረት አባል ሀገራት ዜጎች የዘረ መል እህሎችን ለምግብ መጠቀምን የሚቃወሙ ናቸው፡፡ ይሄ ስብሰባም የዘረ መል ተክሎች ጉዳይ የአውሮፓ ህብረትን የማረጋገጫ ማህተም ያገኘ እንዲመስል የተደረገ ዘመቻ ነው” የሚሉት ደግሞ ጂ ኤም ዎች የተሰኘው ድርጅት ቃል አቀባይ ናቸው፡፡

ከዚሁ ጋር ተያይዞ የዘረ መል ተክሎችን የመዝራት ጉዳይ በአሜሪካና በ ጂ8 ሀገራት እየቀነሰ መምጣቱንና ይህም በዘረ መል እህሎች ዙሪያ የሚሰሩት ኩባንያዎች ፊታቸውን ወደ አፍሪካ እንዲያዞሩ እንዳደረገ ነው የሚነገረው፡፡

አንዳንድ የጉዳዩ ታዛቢዎች ሁኔታውን አዲስ ዓይነት የቀኝ አገዛዝ ሲሉት ከዚሁ ተክል ጋር ታያይዞ በዓለማቀፍ ደረጃ እየተዛመተ ያለው የጸረ-አረም ኬሚካሎችን መቋቋም የሚችለው አረም ጉዳይ ብዙዎችን አሳስቧል፡፡

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s