በሀረር ከተማ በርካታ ተማሪዎች ታሰሩ

ግንቦት ፳፰(ሃያ ስምን)ቀን ፳፻፮ ዓ/ም ኢሳት ዜና :-የአቦከር መሰናዶ 2ኛ ደረጃ ትምህርት ቤት ተማሪዎች የታሰሩት የሁለተኛ ደረጃ ፈተና ካጠናቀቁ በሁዋላ ከግቢያቸው በመውጣት መፈክሮችን እያሰሙ ወደ ማሃል ከተማ በመጓዝ ላይ እያሉ ነው። ተማሪዎቹ “በሀረር ክልል የሚታየው አድሎ ይቁም፣ ፍትሃዊ አስተዳደር ይኑር፣ መንግስት በህዝብ ላይ የሚያደርሰው በደል ይቁም” የሚሉና ሌሎችንም መፈክሮች እያሰሙ ተቃውሞአቸውን ሲገልጹ አርፍደዋል።

የክልሉና የፌደራል ፖሊስ በጋራ ተቃውሞውን የተቆጣጠሩት ሲሆን፣ ተቃውሞውን አስነስተዋል ያሉዋቸውን ከ25 በላይ ተማሪዎች እየደበደቡ ወደ እስር ቤት ወስደዋቸዋል። የፖሊስን ዱላ ለመሸሽ በሚል በሃረር መካነ-ስላሴ ካቴደራል ቤተክርስቲያን የገቡትን  ተማሪዎች አስወጥተው መውሰዳቸውን በተለይ ያሬድ የሚባል ተማሪ በድብደባው ክፉኛ እንደተጎዳ ወኪላችን ገልጿል።

የሀረሪ ክልል ባለስልጣናት የሚፈጽሙት አስተዳደራዊ በደል ከጊዜ ወደ ጊዜ እየጨመረ መምጣቱን ነዋሪዎች ይናገራሉ። የተለያዩ ብሄር ብሄረሰቦች በሚኖሩባት ሃረር ፍትሃዊ የሆነ ውክልና እንደሌለና የመስተዳደሩ ባለስልጣናት ሁሉንም ብሄሮች እኩል እንደማያስተናግዱ የከተማዋ ነዋሪዎች በምሬት ይገልጻሉ።

ከ20 በላይ ነጋዴዎች ብጥብጥ በማስነሳትና የመንግስት ንብረት እንዲወድም በማስደረግ ወንጀል ተከሰው ዋስትና ተከልክለው በእስር ቤት እንደሚገኙ ይታወቃል።

በክልሉ የሚታየውን ችግር በተመለከተ ባለስልጣናቱን ለማነጋገር ተደጋጋሚ ሙከራ ብናደርግም አልተሳካልንም።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s