በጎንደር ወገራ ወረዳ በአራት ቀበሌዎች ላይ ከፍተኛ የሆነ ድርቅ ነገሰ * በአርማጭሆ ምድር የጥይት ድምጽ ሳይሰማ አድሮ አያውቅም

በጎንደር ወገራ ወረዳ በአራት ቀበሌዎች ላይ ከፍተኛ የሆነ ድርቅ ደርሶ ነዋሪዎች ለከፋ ረሃብ መጋለጣቸው እና የቤት እንስሶቻቸውም በማለቅ ላይ መሆናቸውም ተሰማ፡፡

ከፉኛ በድርቅ የተመቱት አራቱ ቀበሌዎች ሶምያ፣ ጓሪ፣ ግጭሆ እና ቧግሽ ሲሆኑ ከብቶቹ እንደ ቅጠል እየረገፉበት እና ጠኔ ፀንቶበት የሚገኘው የእነዚህ ቀበሌዎች ህዝብ የአድኑን ተማፅኖ ጥሪውን ድምፅ በተደጋጋሚ ለአገዛዙ ቢያሰማም እስካሁን ምንም አይነት ምላሽ አልተሰጠውም፡፡

በልዩ ልዩ የኢትዮጵያ አካባቢዎች በተከሰተው ከባድ ድርቅ ምክንያት በአሁኑ ሰዓት በትንሹ ከ10 ሚሊዮን በላይ ህዝብ በምግብ እጥረት ለርሃብ አደጋ ተጋልጦ በሞትና በህይወት መካከል ይገኛል፡፡
news
መጠነሰፊና ተከታታይ ድግሶችን በማሰናዳት የአገሪቱን ከፍተኛ ሃብት በማውደም ተግባር ላይ ተጠምዶ የከረመው የህወሓት አገዛዝ ምንም እንኳን መጀመሪያ የሌሎች አካላት ድጋፍ አያስፈልገኝም ሲል በአደባባይ ቢደመጥም አሁን ደግሞ እንደገና በድርቁ የተጠቁ ከ10 ሚሊዮን በላይ ዜጎችን በመመገብ ነብሳቸውን ለመታደግ 596 ሚሊዮን የአሜሪካ ዶላር እንደሚያስፈልገው ለለጋሽ አገሮች እየተናገረ ነው፡፡

የህወሓት አገዛዝ የላይ አርማጭሆ ሙሴ ባንብ ነዋሪ የሆኑ 50 ወጣቶችን በስብሰባ ስም በኃይል ጠርንፎ ይዞ ከአርበኞች ግንቦት 7 ጋር ግንኙነት አላችሁ እያለ በምርመራ እያስጨነቃቸው እንደሚገኝ የአርበኞች ግንቦት 7 ድምፅ ሬድዮ ዜና ምንጮች የላኩት መረጃ አጋለጠ፡፡
የአርማጭሆ እና የወልቃይት ህዝብ ህዝባዊ ወያኔ ሓርነት ትግራይ የተባለውን ዘረኛ ቡድን መቃወም የጀመረው ገና ከሽፍትነት ዘመኑ አንስቶ ሲሆን አሁንም ለነፃነቱ ከፍተኛ ተጋድሎ በማድረግ ተነግሮ የማያልቅ መሰዋዕትነት መክፈሉን ቀጥሏል፡፡

“እምቢ በኃይል አልገዛም!” “ግፍና በደልን ዝም ብዬ አልጋትም!” በማለት ያልተቋረጠ የነፃነት ትግል እያደረገ የሚገኘውን የአርማጭሆ ህዝብ በመሳሪያ ጉልበት አንገቱን ለማስደፋት በማለም የህወሓት አገዛዝ በአካባቢው ከፌደራል ፖሊስ፣ ከልዩ ኃይልና ከሚሊሻ ታጣቂዎች በተጨማሪ ከፍተኛ ቁጥር ያለው የመከላከያ ጦር ሰራዊት አስፍሮ ይገኛል፡፡
ህዝቡ ደግሞ በበኩሉ ተወልዶ ባደገበት ቀዬ በሰላም መኖር ስላልቻለ ጠብመንጃውን እየወለወለ በየቀኑ ወደ በረሃ መውረዱን እና ጠብመንጃ ነካሽ የሆነውን የህወሓት ዘረኛ ቡድን በጠብመንጃ መፋለሙን ቀጥሏል፡፡
በመሆኑም በአርማጭሆ ምድር ከያቅጣጫው ፍንዳታ ሳይደመጥ እና ግድያ ሳይፈፀም ውሎ አድሮ አያውቅም፡፡ የሞት መርዶም ያልተሰማበት ዕለት በስህተት እንኳ አይገኝም፡፡
ይህ የአርማጭሆ ህዝብ በአንድነት ተነስቶ እያደረገው የሚገኘው በነፍጥ የተቃኘ የነፃነት ትግል ለስልጣን ህልውናው በዕጅጉ ያሰጋው የህወሓት አገዛዝ በትንሹ 50 የሚሆኑ የሙሴ ባንብ ወጣቶችን በስብሰባ ስም በአንድ ቦታ ላይ አጉሮ “ከአርበኞች ግንቦት 7 ጋር ግንኙነት አላችሁ፤ ወጣቶችን እየመለመላችሁ ትልካላችሁ፤ ነገ ከነገ ወዲያ እናንተም ሄዳችሁ መቀላቀላችሁ አይቀርም…” የሚል በዛቻና ማስፈራራት የታጀበ አስጨናቂ ምርመራ አድርጎ ምንም ጠብ ሚል ነገር ሊያገኝ ባለመቻሉ በኃይማኖት አባቶች ጭምር እየተማፀነ ነው፡፡

መስቀል የያዙ የአካባቢው ካህናት ወጣቶች በታጎሩበት ቦታ በግዴታ እንዲገኙ ተደርገው ወጣቶች ከአርበኞች ግንቦት 7 ጋር ግንኙነት ከሌላቸው እንዲምሉ እየተጠየቁ ይገኛሉ፡፡ ካህናቱም ወጣቶቹ ወደፊት ወደ በረሃ ወርደው አርበኞች ግንቦት ሰባትን እንዳይቀላቀሉ በግዝት እንዲያስሯቸው በአገዛዙ ካድሪዎችና የታጠቁ ቡድኞች እየተገደዱ መሆናቸውን ምንጮቻችን ተናግረዋል፡፡

በጎንደር ከተማ ወላጆች ልጆቻቸውን በአገዛዙ ቁጥጥር ስር በሚገኙ ትምህርት ቤቶች ለማስመዝገብ ለደላሎች በአንድ ሰው ከ500-1000 ብር እንዲከፍሉ በመገደዳቸው ከፍተኛ ምሬት ውስጥ ናቸው፡፡

በአገሪቱ ላይ የአስተሳሰብ ዕድገትን ሳይሆን የአስተሳሰብ መቀጨጭን የሚያመጣ እና ማንነትን በማጥፋት ዜጎች የስርዓቱ ባሪያ ሆነው እንዲፈበረኩ በማድረግ አገዛዙን በስልጣን መንበር ላይ አስቀምጦ ለማሰንበት ብቻ ተቀዳሚ አላማ ግቡ ያደረገ የትምህርት ስርዓት ፖሊሲ በመኖሩ እና የህወሓት ጉዳይ አስፈፃሚዎች እንጂ በዘርፉ ምንም ዕውቀት የሌላቸው ተራ ካድሬዎች በትምህርት ስርዓቱ ውስጥ በአመራርነት በመሰግሰጋቸው ትምህርትን በተመለከተ ኢትዮጵያ በዘመኗ ፈፅሞ አታይው ከማታውቀው ውድቀት ላይ ደርሳለች፡፡

ህወሓት ህፃናትን ሳይቀር ከታች ክፍል እስከ ላይ እስከ ዮኒቨርሲቲዎች ድረስ በዚህ አገርና ህዝብን በሚያበላሽ የትምህርት ፖሊሲና አሰራር የሚያልፉ ተማሪዎችን አንድ ለአምስት ጠርንፎ ነፃነታቸውን አፍኖ አስተሳሰባቸውን በመግደል ባሪያ አድርጎ ሊገዛቸው በሰፊው እየሰራ ይገኛል፡፡

ይባስ ብሎ ደግሞ በጎንደር ከተማ በሚገኙ የዕሱ የግል ንብረቶች በሆኑት ትምህርት ቤቶች ላይ ደላሎችን አሰማርቶ ልጆቻቸውን ለማስመዝገብ የሚመጡ ወላጆችን ከ500-1000 ብር በማስከፈል ዘረፋውን ጎን ለጎን ተያይዞታል፡፡

ህወሓት አገሪቱን ከተቆጣጠረበት ከ1983 ዓ.ም እስካሁን እስከ 2008 ዓ.ም ድረስ በጎንደር ከተማ ከአንድ ህዳር 11 እየተባለ ከሚጠራ ሁለተኛ ደረጃ ት/ቤት በስተቀር ምንም አይነት ትምህርት ቤት አልገነባም፤ በመሆኑም በጎንደር ከተማ በሁሉም ትምህርት ቤቶች ከፍተኛ የሆነ የክፍል ጥበትና እጥረት መኖሩን ነዋሪዎች በምሬት ይናገራሉ፡፡

Source: አርበኞች ግንቦት 7 ድምፅ ሬድዮ

posted tigi flate

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s