ዶ/ር መረራ ጉዲና በቀረበባቸው ክስ ላይ ያቀረቡት መቃወሚያ ብይን አልተሰራም

(ግንቦት 25/2009) ዶ/ር መረራ ጉዲና ግንቦት 25/2009 ተቀጥረው የነበረው ባቀረቡት የክስ መቃወሚያ ላይ ብይን ለመስጠት ነበር። መዝገቡን የሚመለከቱት የከፍተኛው ፍርድ ቤት 19ኛ ችሎት ዳኞች የቀረበውን የክስ መቃወሚያ እና የአቃቤ ህግ አስተያየት በመመርመር ላይ እያሉ፤ በኢትዮጵያ ሳተላይት ቴሌቭዢን (ኢሳት) እና በኦሮሚያ ሚዲያ ኔትዎርክ (ኦኤምኤን) ላይ የቀረበው ክስ (2ኛው ክስ) አቀራረብ ላይ ችግር በመመልከታቸው ብይኑን ለመስራት እንዳልቻሉ ተናግረዋል። አቃቤ ህግ ባቀረበው 2ኛ ክስ ላይ የወንጀለኛ ህግ አንቀፅ 34(1)ን ማካተቱን የገለፁት ዳኞች፤ አንቀፅ 34(1)ን ለመጥቀስ ክሱ የሚቀርብባቸው ድርጅቶች በመንግስት እውቅና ያገኙ [ህጋዊ ሰውነት ያላቸው] መሆን እንደሚኖርባቸው ገልፀዋል።

የኢትዮጵያ ሳተላይት ቴሌቭዢን (ኢሳት) እና የኦሮሚያ ሚዲያ ኔትዎርክ (ኦኤምኤን) የት ሃገር እንደሚገኙ፣ ህጋዊ እውቅና ያላቸው ስለመሆኑ እና ባጠቃላይ በአሁኑ ሰአት ያሉበት ሁኔታ በክሱ ላይ ባልተገለፀበት ሁኔታ የወንጀለኛ ህግ አንቀፅ 34(1) መጠቀሱ አግባብ እንዳልሆነ ተናግረዋል—ዳኞች። ስለሆነም በወንጀለኛ ስነስረአት ህጉ አንቀፅ 118 እና 119 መሰረት 2ኛውን ክስ አቃቤ ህግ አስተካክሎ እንዲያቀርብ ትእዛዝ ሰጥተዋል። 2ኛው ክስ ተስተካክሎ ከቀረበ በኋላ ዶ/ር መረራ ጉዲና በክሱ ላይ ባቀረቡት መቃወሚያ ላይ ብይኑ እንደሚሰጥ ዳኞች ተናግረዋል።

የዶ/ር መረራ ጠበቃ የሆኑት አቶ ወንድሙ ኢብሳ ከዚህ በፊት በክስ መቃወሚያቸው ላይ ያልተካተተ ነጥብ እንዳላቸው ለችሎት የገለፁ ሲሆን በፅሁፍ ለማስገባት ጠይቀዋል። ዳኞችም አቶ ወንድሙ ከዚህ በፊትም የክስ መቃወሚያ ለ2ኛ ጊዜ እያስተካከሉ ማስገባታቸውን ጠቅሰው ወደፊት መቃወሚያ በሚያስገቡበት ወቅት ሃሳባቸውን በአንድ አጠቃለው በአንድ ጊዜ ማስገባት እንደሚኖርባቸው ገልፀውላቸው የጨመሩትን መቃወሚያ ተቀብለዋቸዋል። አቃቤ ህግ በቀጣይ ቀጠሮ 2ኛ ክስን እንዲያሻሽል፤ እንዲሁም አዲስ በቀረበው የክስ መቃወሚያ ላይ ያለውን አስተያየት እንዲያቀርብ ታዟል። ቀጣይ ቀጠሮ ለሰኔ 13/2009 ተይዟል።

posted tigi flate

የህወሓት ዳኛ መሰወር አነጋጋሪ ሆኗል

BBN News | የዳኛዉ መሰወር ህወሃት በሰዉ ከተጠቀመ በሗላ አዉጥቶ እንደሚወረዉር አመላካች ነዉ ተብሏል። ቢቢኤን የዳኛዉን መሰወር አስመልክቶ ቀደም ሲል የዘገበ ቢሆንም ዛሬ በጉዳዩ ላይ ተጨማሪ መረጃዎች አሉት።
የህወሓትን ፖለቲካ በዳኝነት ስም ሲያስፈጽሙ የነበሩት ግለሰብ መሰወር አነጋጋሪ ሆነ፡፡ ዳኛ ልዑል ገ/ማርያም የተባሉት እኚሁ ሰው ከስራቸው ላይ ከጠፉ ስምንት ወራት የተቆጠሩ ሲሆን፣ እስካሁን ድረስም የት እንዳሉ አይታወቅም ተብሏል፡፡ በፌደራል ከፍተኛው ፍርድ ቤት ልደታ ምድብ ስምንተኛ ወንጀል ችሎት የሚያስችሉት እኚሁ ሰው፣ ያሉበት ቦታ ካለመታወቁም በላይ የተለያዩ አስተያየቶች እየተሰጡ ይገኛሉ፡፡ የገዥው ፓርቲ ፓርላማ ‹‹ዳኛው ዕድሜአቸው 57 ዓመት በመሆኑና በጤና ምክንያት መሥራት ስላልቻሉ፣ የጡረታ መብታቸው ተከብሮ ከግንቦት 1 ቀን 2009 ጀምሮ ይሰናበቱ፡፡›› የሚል ውሳኔ ማሳለፉን መረጃዎች ጠቁመዋል፡፡

ለከባድ ህክምና ኖርዌይ ናቸው የሚሉት እንዳሉ ሁሉ፣ አይ ደቡብ አፍሪካ ህክምና ላይ ናቸው የሚሉ ወገኖችም አሉ፡፡ የፌዴራል ዳኞች አስተዳደር ጉባዔ ለገዥው ፓርቲ ፓርላማ ባቀረበው የውሳኔ ሐሳብ፣ በ2009 ለተከታታይ ስምንት ወራት ‹‹በሕመም ምክንያት›› በሥራ ገበታቸው ላይ መገኘት አለመቻላቸውን ገልጿል፡፡ ሆኖም ግን ጉባዔው፣ ሰውዬው የተሰወሩት በህመም ምክንያት ይሁን አይሁን እርግጠኛ አለመሆኑም ተነግሯል፡፡ ግለሰቡ ያሉበትን ቦታ ባለቤታቸው ጭምር አያውቁም መባሉ ደግሞ ጉዳዩን የበለጠ እንቆቅልሽ አድርጎታል፡፡ ይህን ተከትሎም የገዥው ፓርቲ ፓርላማ ባካሔደው ስብሰባ ዳኛው ላለፉት ስምንት ወራት በስራቸው ላይ ባለመገኘታቸው ከስራ እንዲሰናበቱ መወሰኑን መረጃዎች ጠቁመዋል፡፡

አንዳንድ መረጃዎች እንደሚገልጹት ከሆነ ደግሞ፣ ዳኛው ምናልባት ከህወሓት ጋር ግጭት ውስጥ ገብተው በምስጢር ሳይገደሉ አልቀረም፡፡ የህወሓትን ትዕዛዝ በመቀበል በበርካታ ንጹኃን ዜጎች ላይ ፖለቲካዊ ፍርድ ሲያሳልፉ የነበሩት እኚሁ ሰው፣ ከዚህ ቀደም ካስቻሏቸው የፍርድ ቤት ጉዳዮች አንዱ፣ የቀድሞ ቅንጅት ፓርቲ ጉዳይ ይጠቀሳል፡፡ የ1997ቱን ምርጫ ተከትሎ በእነ ኢንጂነር ኃይሉ ሻውል መዝገብ በወቅቱ በርካታ ፖለቲከኞችን እስር ቤት መወርወራቸው አይዘነጋም፡፡ ከዚያ በኋላም የድምጻዊ ቴዎድሮስ ካሳሁንን ጨምሮ በርካታ ፖለቲካ ነክ መዝገቦችን ክህግ ውጪ በማስፈጸም፣ ህወሓትን ሲያገለግሉ ነበር፡፡

የህወሓት ዳኛ መሰወር አነጋጋሪ ሆኗል

BBN News | የዳኛዉ መሰወር ህወሃት በሰዉ ከተጠቀመ በሗላ አዉጥቶ እንደሚወረዉር አመላካች ነዉ ተብሏል። ቢቢኤን የዳኛዉን መሰወር አስመልክቶ ቀደም ሲል የዘገበ ቢሆንም ዛሬ በጉዳዩ ላይ ተጨማሪ መረጃዎች አሉት።
የህወሓትን ፖለቲካ በዳኝነት ስም ሲያስፈጽሙ የነበሩት ግለሰብ መሰወር አነጋጋሪ ሆነ፡፡ ዳኛ ልዑል ገ/ማርያም የተባሉት እኚሁ ሰው ከስራቸው ላይ ከጠፉ ስምንት ወራት የተቆጠሩ ሲሆን፣ እስካሁን ድረስም የት እንዳሉ አይታወቅም ተብሏል፡፡ በፌደራል ከፍተኛው ፍርድ ቤት ልደታ ምድብ ስምንተኛ ወንጀል ችሎት የሚያስችሉት እኚሁ ሰው፣ ያሉበት ቦታ ካለመታወቁም በላይ የተለያዩ አስተያየቶች እየተሰጡ ይገኛሉ፡፡ የገዥው ፓርቲ ፓርላማ ‹‹ዳኛው ዕድሜአቸው 57 ዓመት በመሆኑና በጤና ምክንያት መሥራት ስላልቻሉ፣ የጡረታ መብታቸው ተከብሮ ከግንቦት 1 ቀን 2009 ጀምሮ ይሰናበቱ፡፡›› የሚል ውሳኔ ማሳለፉን መረጃዎች ጠቁመዋል፡፡

ለከባድ ህክምና ኖርዌይ ናቸው የሚሉት እንዳሉ ሁሉ፣ አይ ደቡብ አፍሪካ ህክምና ላይ ናቸው የሚሉ ወገኖችም አሉ፡፡ የፌዴራል ዳኞች አስተዳደር ጉባዔ ለገዥው ፓርቲ ፓርላማ ባቀረበው የውሳኔ ሐሳብ፣ በ2009 ለተከታታይ ስምንት ወራት ‹‹በሕመም ምክንያት›› በሥራ ገበታቸው ላይ መገኘት አለመቻላቸውን ገልጿል፡፡ ሆኖም ግን ጉባዔው፣ ሰውዬው የተሰወሩት በህመም ምክንያት ይሁን አይሁን እርግጠኛ አለመሆኑም ተነግሯል፡፡ ግለሰቡ ያሉበትን ቦታ ባለቤታቸው ጭምር አያውቁም መባሉ ደግሞ ጉዳዩን የበለጠ እንቆቅልሽ አድርጎታል፡፡ ይህን ተከትሎም የገዥው ፓርቲ ፓርላማ ባካሔደው ስብሰባ ዳኛው ላለፉት ስምንት ወራት በስራቸው ላይ ባለመገኘታቸው ከስራ እንዲሰናበቱ መወሰኑን መረጃዎች ጠቁመዋል፡፡

አንዳንድ መረጃዎች እንደሚገልጹት ከሆነ ደግሞ፣ ዳኛው ምናልባት ከህወሓት ጋር ግጭት ውስጥ ገብተው በምስጢር ሳይገደሉ አልቀረም፡፡ የህወሓትን ትዕዛዝ በመቀበል በበርካታ ንጹኃን ዜጎች ላይ ፖለቲካዊ ፍርድ ሲያሳልፉ የነበሩት እኚሁ ሰው፣ ከዚህ ቀደም ካስቻሏቸው የፍርድ ቤት ጉዳዮች አንዱ፣ የቀድሞ ቅንጅት ፓርቲ ጉዳይ ይጠቀሳል፡፡ የ1997ቱን ምርጫ ተከትሎ በእነ ኢንጂነር ኃይሉ ሻውል መዝገብ በወቅቱ በርካታ ፖለቲከኞችን እስር ቤት መወርወራቸው አይዘነጋም፡፡ ከዚያ በኋላም የድምጻዊ ቴዎድሮስ ካሳሁንን ጨምሮ በርካታ ፖለቲካ ነክ መዝገቦችን ክህግ ውጪ በማስፈጸም፣ ህወሓትን ሲያገለግሉ ነበር፡፡

ጎንደር ለአስራ አንደኛ ጊዜ ቦምብ ፈነዳ

በተደጋጋሚ በቦምብ ፍንዳታዎች እየተከሰቱባት የምትገኘው ጎንደር ዛሬ ለአስራ አንደኛ ጊዜ ቦምብ መፈንዳቱ ተዘገበ:: አክቲቭስት ሙሉነህ ዮሐንስ ምንጮቹን ጠቅሶ እንደዘገበው ፍንዳታው የተከሰተው ቀበሌ 03 ፊት ሚካኤል አካባቢ በሎጅ ፋሲል አቅራቢያ ነው::

እንደ አክትቭስቱ ዘገባ ከሆነ አካባቢው በፍጥነት በወታደር ተጥለቅልቋል። ወሬው እንዳይሰማ እየጣሩ ነው። ሰው በሰፈሩ እንዳይንቀሳቀስ ታግዷል። በማሰርም ላይ ናቸው።

ወያኔ የከተሞች ቀን ብሎ ጎንደር ውስጥ ለማክበር ማሰቡ ህዝቡን እንዳስቆጣ በተከታታይ ስንዘግብ ቆይተናል።

እየደረሱ ላሉት የቦምብ ፍንዳታዎች ኃላፊነቱን የወሰደ አካል የለም::

posted tigi flate

በጎንደር የአቶ መለስ ዜናዊ የቅርብ ዘመድ የሆነ የሕወሓት አባል መኖሪያ ቤት ላይ ቦምብ ተጣለ

የዘ-ሐበሻ የጎንደር ምንጮች እንደዘገቡት ጎንደርንና ከፊል የምስራቅ ጎጃምን ያሽከረክራሉ የተባሉት አቶ አምባዬ አማረ መኖሪያ ቤት ላይ ነው ቦምብ የተጣለው:: ይህ የተጣለው ቦምብ ከምሽቱ ሦስት ሰዓት ሊሆን አካባቢ እንደፈነዳ የሚገልጹት ምንጮቹ መኖሪያ ቤቱ እንደጋየ ገልጸዋል:: አቶ አምባዬ የአቶ መለስ ዜናዊ የቅርብ ዘመድና የአድዋ ተወላጅ መሆናቸውንም የአካባቢው ምንጮች አስታውቀዋል::

በዚህ የቦምብ አደጋ በሰውና በንብረት ላይ የደረሰው አደጋ መጠን ለዘ-ሐበሻ ያልደረሰ ሲሆን ለጥቃቱ ሃላፊነቱን የወሰደ አካልም የለም:: በጎንደር ሰሞኑን በተደጋጋሚ ቦምብ እየፈነዳ ሲሆን የ እንግሊዝ መንግስትን ጨምሮ ሌሎች ሃገራት ዜጎቻቸው በነዚህ ፍንዳታዎች የተነሳ ዜጎቻቸው ወደዚያው እንዳይጓዙ ቢመክሩም መንግስት አንዱንም የቦምብ ፍንዳታ በሚዲያዎቹ አልዘገበም:: እንደታዛቢዎች ገለጻ መንግስት ምንም እንዳልተፈጠረ ዝም ያለበት ምክንያት ሊያስከትለው በሚችለው ፍራቻ ነው::

posted tigi flate

የደህንነት ሰራተኛው ለኢሳት ሚስጢራዊ መረጃ ሰጥተሃል በሚል ታስሮ እየተሰቃየ ነው

ሚያዝያ ፲ (አሥር) ቀን ፪፲፻፱ ዓ/ም ኢሳት ዜና :-ምንጮች እንደገለጹት በኢትዮጵያ የመረጃ መረብ ኢጄንሲ (ኢንሳ) ውስጥ የደህንነት ሰራተኛ የሆነው ጸጋየ ተክሉ የተባለ ግለሰብ ለኢሳት መረጃ ታቀብላለህ በሚል በቂሊንጦ እስር ቤት ታስሮ እንደሚገኝ ታውቋል። ጸጋዬ በ2003 ዓም በመረጃ መረብ ውስጥ በሚሰራበት ወቅት ከኢሳት ጋር ግንኙነት በመፍጠር የድርጅቱን ሚስጢር ለኢሳት ሰጥቷል የሚል ክስ የቀረበበት ሲሆን፣ በማስረጃነትም ኢሳት ከሌላ ግለሰብ ጋር ያደረገውና የራሱ ያልሆነ የድምጽ ማስረጃ ቀርቦበታል። ክሱ ከሌሎች እስረኞች እንዲነጠል ተደርጎ በዝግ ችሎት እየታየ መሆኑም ታውቋል። አቶ ጸጋየ አቃቢ ህግ በማስረጃነት የቀረበው ድምጽ የእርሱ አለመሆኑን ቢናገርም የሚሰማው አካል አላገኘም።
በቃሊቲና በቂልንጦ ለኢሳት መረጃ ሰጥታችሁዋል በሚል ጋዜጠኞች፣ የሰብአዊ መብት ተሟጋቾችና ፖለቲከኞች ታስረው ይገኛሉ።

posted tigi flate

ጋዜጠኛ ጌታቸው ሺፈራው ዋስትና ተከለከለ

ከሽብርተኝነት ክስ ነጻ ተብሎ በመደበኛ የወንጀለኛ መቅጫ ህጉ እንዲከላከል ብይን የተሰጠው የነገረ ኢትዮጵያ ጋዜጣ ዋና አዘጋጅ ጋዜጠኛ ጌታቸው ሺፈራው የዋስትና ጥያቄው ውድቅ ተደርጎበታል፡፡

የፌደራል ከፍተኛ ፍ/ቤት ልደታ ምድብ 4ኛ ወንጀል ችሎት ታህሳስ 13/2009 ዓ.ም ጋዜጠኛ ጌታቸው ሺፈራው ከቀረበበት የሽብር ክስ ነጻ በማለት ክሱ ወደ መደበኛ የወንጀለኛ መቅጫ ህጉ ተቀይሮ አንቀጽ 257 (ሀ) ላይ የተመለከተውን እንዲከላከል ሲል ብይን መስጠቱ ይታወሳል፡፡
ይህን ተከትሎ ጋዜጠኛ ጌታቸው ሺፈራው ቋሚ የመኖሪያ አድራሻ እንዳለውና ለአንድ አመት በእስር መቆየቱን በማንሳት አሁን ተከላከል የተባለበት የህግ ክፍል የዋስትና መብት እንደማይከለክል ጠቅሶ የዋስ መብቱ እንዲከበርለት ታህሳስ 19/2009 ዓ.ም ፍ/ቤቱን ጠይቆ ነበር፡፡ በዕለቱ አቃቤ ህግ ተከሳሹ በዋስ ቢወጣ ከሀገር ሊወጣ ስለሚችል የዋስትና ጥያቄው ውድቅ እንዲደረግለት ተቃውሞውን አሰምቷል፡፡
ፍ/ቤቱ ዛሬ ታህሳስ 25/2009 ዓ.ም በተነሳው የዋስትና ጥያቄ ላይ መርምሮ ብይን ሰጥቷል፡፡ በዚህ መሰረት ተከሳሹ በዋስ ቢወጣ ‹‹ከሀገር ሊወጣ እንደሚችል ግምት የተወሰደ በመሆኑ›› የዋስትና ጥያቄው ተቀባይነት አላገኘም ሲል ፍ/ቤቱ ዋስትና ከልክሎታል፡፡ ፍ/ቤቱ ተከሳሹ በዋስ ቢወጣ ከሀገር ሊወጣ ይችላል የሚለውን ግምት ለመውሰድ የቀረበለት ማስረጃ ስለመኖሩ በብይኑ ላይ አላመለከተም፤ አቃቤ ህግ ተቃውሞውን ባስመዘገበበት ወቅትም ተቃውሞውን በማስረጃ አስደግፎ አላቀረበም ነበር፡፡
‹‹ተከሳሹ ተከላከል የተባለበት የህግ አንቀጽ በመርህ ደረጃ ዋስትና ባያስከለክልም፣ በሁኔታ የሚከለከልበት ጊዜ ግን ስለመኖሩ ተመልክቷል፡፡ እኛም ይህን ተከሳሹ ከሀገር ሊወጣ ይችላል የሚለውን ሁኔታ አይተን በሙሉ ድምጽ ተከሳሹ ዋስትናው ይነፈግ ብለን ወስነናል›› ብሏል ችሎቱ የዳኞችን ውሳኔ በተመለከተ ሲገልጽ፡፡
ፍ/ቤቱም መከላከያ ምስክሮችን ለመስማት ሌላ ተለዋጭ ቀጠሮ ለየካቲት 7/2009 ዓ.ም ሰጥቷል፡፡

ምንጭ:-Ethiopia Human Rights Project

 posted tigi flate

የአሜሪካ መንግስት በኢትዮጵያ ላይ የጣለውን የጉዞ ማስጠንቀቂያ አራዘመ

ዜጎቹ ወደ ኢትዮጵያ በሚያደርጉት ጉዞ ላይ ጥንቃቄ እንዲያደርጉ አሳስቦ የነበረው የአሜሪካ መንግስት፣ ማስጠንቀቂያውን በድጋሚ አራዝሟል፡፡ የኢንተርኔት እና የሞባይል ስልክ አገልግሎቶች በመላ ሃገሪቱ ያለ ማስጠንቀቂያ እንደሚቋረጡ እና ሙሉ በሙሉ እንደሚዘጉ የገለጸው የአሜሪካ መንግስት ውጭ ጉዳይ መስሪያ ቤት፣ ይህ ሁኔታም አዲስ አበባ የሚገኘው የአሜሪካ ኤምባሲ ኢትዮጵያ ውስጥ ያሉ ዜጎቹን የመርዳት አቅሙን እንደሚፈታተነው የውጭ ጉዳይ መሥሪያ ቤቱ መግለጫ አትቷል፡፡

የአሜሪካ መንግስት በኢትዮጵያ የሚገኙ ዜጎቹ በሀገሪቱ ያለውን አለመረጋጋት ተከትሎ አደጋ እንዳይገጥማቸው ሲል ባራዘመው የጉዞ ማስጠንቀቂያ ላይ፣ ዜጎቹ ከሰላማዊ ሰልፎችና ሰዎች በብዛት ከሚሰበሰቡባቸው አካባቢዎች እንዲርቁ አሳስቧል፡፡ እንደዚሁም የደህንነታውን ሁኔታ በንቃት እንዲከታተሉ እና የሚንቀሳቀሱባቸውን አካባቢዎች ያለማቋረጥ እንዲከታተሉ የውጭ ጉዳይ መሥሪያ ቤቱ በጽኑ አሳስቧል፡፡
በኢትዮጵያ ውስጥ የሚደረጉ ሰላማዊ ሰልፎችን ለመበተን የኢትዮጵያ መንግስት በዜጎቹ ላይ በቀጥታ ሊተኩስ እንደሚችል የገለጸው የአሜሪካ ውጭ ጉዳይ መስሪያ ቤት፣ በዚህም ምክንያት በኢትዮጵያ የሚገኙ የአሜሪካ ዜጎች ከፍተኛ ጥንቃቄ እንዲያደርጉ መስሪያ ቤቱ በመግለጫው ላይ አስጠንቅቋል፡፡ በኢትዮጵያ ውስጥ በሰላማዊ መንገድ ሊካሔዱ የታሰቡ ሰልፎች ድንገት ወደ ሁከት ሊቀየሩ እንደሚችሉ ስጋቱን የገለጸው የአሜሪካ መንግስት፣ ዜጎቹ ይህን ከግምት በማስገባት እንዲንቀሳቀሱ እና ከፍ ሲልም ኢትዮጵያን ለቅቀው የሚወጡበትን የአደጋ ጊዜ ዕቅድ ከወዲሁ እንዲያዘጋጁ መክሯል፡፡

የዩናይትድ ስቴትስ መንግስት ከዚህ በፊት ጥቅምት 11 በኢትዮጵያ ላሉ እና ወደ ኢትዮጵያ ለሚጓዙ ዜጎቹ የጉዞ ማስጠንቀቂ ማውጣቱ የሚታወስ ሲሆን፣ ትላንትና በድጋሚ የወጣው የጉዞ ማስጠንቀቂያም የጥቅምት 11ዱን የጉዞ ማስጠንቀቂያ የሚተካ እንደሆነ ተነግሯል፡፡ በኢትዮጵያ የተቀሰቀሰውን ህዝባዊ ተቃውሞ ተከተሎ የተፈጠረው ሁኔታ አሁንም መረጋጋት አለማሳየቱን የጠቀሰው የአሜሪካ መንግስት፣ ጉዳዩ ወዴት ሊያመራ እንደሚችል ለመተንበይ አስቸጋሪ እንደሆነበት ተናግሯል፡፡ በመሆኑም በአዲስ አበባ የሚገኘው የአሜሪካ ኤምባሲ አገልግሎት በሚሰጥባቸው የተለያዩ አካባቢዎች ያለምንም ቅድመ ማስጠንቀቂያ የስልክና የኢንተርኔት አገልግሎት ሊቋረጥ ስለሚችል፣ ቀደም ሲል የተሰጠውን የጉዞ ማስጠንቀቂያ ትላንት ባወጣው መግለጫ አራዝሞታል፡፡

posted tigi flate

ጎንደር፣ ወሎ: ‹‹የወያኔ ወታደሮች አስከሬን በየቦታው ወዳድቋል›› የጎበዝ አለቆች • በወልዲያ ዩንቨርሲቲ የዐማራን ጥያቄ ያነሱ ተማሪዎች ታስረዋል፤

ከሙሉቀን ተስፋው

በሰሜን ጎንደር በወገራ፣ በአርማጭሆና በወልቃይት አካባቢዎች የዐማራ ተጋድሎ ከፍተኛ ድል አስመዝግበዋል፡፡ ትናንት ኅዳር 24 ቀን 2009 ዓ.ም. ከሰዐት በኋላ በሁለት ባንዳዎች እየተመራ የመጣው የወያኔ ሠራዊት በገበሬዎች ላይ ድንገተኛ ተኩስ ከፍቶ ነበር፡፡ ቆራጦቹ የዐማራ ገበሬዎች የመጣውን የወያኔ ጦር ፊት ለፊት በመግጠም ሙትና ቁስለኛ ብቻ አድርገው በድል አጠናቀዋል፡፡ ተስፋ የቆረጡት ወታደሮች ጥቂት የገበሬ ቤቶች ማቃጠላቸውም ታውቋል፡፡


ትናንት በጃኖራ በነበረው ውጊያ በርካታ ድሎች ተመዝግበዋል፡፡ ዐሥራ ሁለት ወታደሮችን ይዞ በአንድ በር ሲዋጋ የነበረው የወያኔ ጦር ከጋንታ መሪው ውጭ ያሉት 11ዱም ተገድለው መሪው ቆስሎ በአንዱ የጎበዝ አለቃ እጅ ወደቀ፡፡ በዚህ ጊዜ የጎበዝ አለቃው (ስሙን መጥቀስ አልፈለግንም) ‹‹አንተን መግደል ለእኔ ቀላል ነው፤ ነገር ግን እኛ መገዳደልን አልመረጥንም፤ ብገድልህም ብተውህም ለእኔ ለውጥ የለውም፤ የምትድን ከሆነ ሒድ ታከም›› በማለት አሰናበተው፡፡ የሞቱ ወታደሮችን በተመለከተ ላቀረብንላቸው ጥያቄ ‹‹የወያኔ ወታደሮች አስከሬን በየቦታው ወዳድቋል፤ ከ50 በላይ የሚሆን የጠላት ጦር ዶጋ አመድ ሆኗል›› በማለት መልሰዋል፡፡ 


ዛሬ ኅዳር 25 ቀን ተጨማሪ የወያኔ ጦር በእንቃሽ ቆላማ ነብር ጠማጅ በተባለ አካባቢ ሒዶ ከገበሬዎች ጋር ውጊያ ገጥሟል፡፡ የዐማራ የጎበዝ አለቆችን ከሕጻን እስከ አዛውንት በመቀላቀል ተጋድሎውን እየደገፉ ሲሆን የወያኔ ወታደሮች ዒላማቸውን በግለሰቦች መኖሪያ ቤትና ንብረት ላይ አድርገዋል፡፡ ከቦታው ስለጉዳዩ ማብራሪያ የጠየቅናቸው የዐማራ ጎበዝ አለቆች በተኩስ ጩኸት ምክንያት መሰማማት አልቻልንም፡፡ ሆኖም ሁሉም ሁሉም ዐማራ በያለበት የተጀመረውን ተጋድሎ እንዲቀላቀል ጥሪ አድርገዋል፡፡ 


በሌላ ዜና ከሰሜን ወሎ ወልዲያ ዩንቨርሲቲ የደረሰን መረጃ እንደሚያመለክተው የብሔር ብሔረሰቦች ቀን በዩንቨርሲቲው በሚከበርበት ወቅት የወልቃይት ጠገዴን፣ የራያ ኮረም አላማጣና የመተከልን ዐማራነት ጥያቄ ያነሱና የነ ደረጀ ደገፈውን አዲስ ሙዚቃ በመዝፈናቸው ምክንያት አድማ በታኝ ፖሊስ በመግባት 45 የሚሆኑ የዐማራ ተማሪዎችን ማሰሩን ዜና ያመለክታል፡፡ በወልዲያ ዩንቨርሲቲ የሚማሩ የዐማራ ተማሪዎች የተጋድሎውን ጥያቄ ወደፊት በተለያየ ጊዜ ማምጣታቸው የሚታወስ ነው፡፡ 

posted by tigi flate

የፕ/ር መረራ ጉዲና ከአውሮፓ መልስ መታሰር ይጠበቅ እንደነበር ተገለጸ፣ የሕወሓት አገዛዝ ግራ መጋባትና መደናበር አይሏል

የኦሮሞ ፌዴራሊስት ኮንግረስ የወቅቱ ሊቀመንበርና በኢትዮጵያ የተቃውሞ ፖለቲካ ስማቸው በግንባር ከሚጠቀስ ሰላማዊ ታጋዮች ተርታ የሚጠቀሱት ዶ/ር መረራ ጉዲና በቅርቡ በአውሮፓ ሕብረት ጋባዥነት በወቅቱ የኢትዮጵያ ጉዳይ ላይ ለማስረዳት ብራስልስ ሰንብተው ሲመለሱ በአዲስ አበባ ቦሌ ላይ መያዛቸው የተጠበቀ እንደነበር የተለያዩ መረጃዎች ገለጹ።

ፕ/ር መረራ የአውሮፓውን ስብሰባ ተከትሎ በተለይ በስብሰባው ላይ የአርበኞች ግንቦት ሰባት ሊቀመንበር ፕ/ር ብርሃኑ ነጋ መገኘትን በማስታከክ የተለያዩ አፍቃሪ ወያኔ ድህረ ገጾች እና የአገዛዙ ቴሌቪዥን ጭምር ፕ/ር መረራን ሲያብጠለጥሉና ሲዘልፉ የሰነበቱ መሆኑን ያዩ ወደ አገር ቤት እንዳይመለሱ ከተመለሱ ለማሰር እንደሚያስቡ ፍንጭ ሰጪ መሆኑን ገልጸው ነበር።

ፕ/ር መረራ ጉዲና ትላንት ከአውሮፓ ከገቡ በሁዋላ ቡራዩ የሚገኘው ቤታቸው በበርካታ ታጣቂዎች ተከቦ የነበረ ሲሆን የቤተሰብ አባሎቻቸው ጭምር መታሰራቸውነ አንዳንድ መረጃዎች ያሳያሉ።ፕ/ር መረራ በአሁኑ ወቅት በማዕከላዊ ምርመራ በእስር ላይ ሲሆኑ የእስራቸው መንስዔ አውሮፓ ፓርላማ በጠራው ስብሰባ ላይ ከፕ/ር ብርሃኑ ነጋ ጎን መቀመጣቸው ብቻ መሆኑን አስቀድሞ ከነበረው መስፈራሪያ መሰረት አድርገው ብዙዎች ግምታቸውን ሰጥተዋል።አገዛዙ መገናኛ ብዙሃን አስቀድሞ የተደረገ ዛቻ ፕ/ር መረራ ወደ አገር ቤት እንዳይመለሱ ለማድረግ እንደነበር ገልጸው እሳቸው ያንን እያወቁ ወደ አገር ተመልሰው የመታውን ለመቀበል መዘጋጀታቸውን አሳይቷል።

የኦፌኮና የመድረክ አመራር የሆኑት ፕ/ር መረራ ጉዲና የአገዛዙን የአፈና አዋጅ ወደ ጎን በማድረግ ከአስቸኳይ ጊዜ አዋጁም በሁዋላ በተሌአዩ መንገዶች ሀሳባቸውን ሲሰጡና ሕወሃት/ኢህአዴግ በአፈናና በማሰር የሕዝቡን ጥያቄ እስከመጨረሻው አፍኖ እንደማይዘልቅ ደጋግመው ተችተዋል። ተቃዋሚዎች በተባበረ ክንድ እንዲታገሉ ተደጋጋሚ ጥሪ ሲያደርጉ ቆይተዋል፤

ከዶ/ር መረራ ጉዲና ቤት ታፍነው የተወሰዱ ቤተሰቦቻቸው ስም ዝርዝርና ብዛት ያልታወቀ ሰሆን እነሱም እንደ ዶ/ር መረራ ማዕከላዊ ይታሰሩ ሌላ ቦታ የታወቀ ነገር የለም።

ይህ በእንዲህ እንዳለ የዶ/ር መረራ መታሰር የስርዓቱን የበለጠ ግራ መጋባት ያሳያል የሚሉ ወገኖች በቅርቡ የቀድሞው ኮሚነኬሽን ሚ/ር የሕወሓቱ ጌታቸው ረዳ አቶ በቀለ ገርባ የታሰሩት ወንጀል ስለሰሩ መንግስትን ለማፍረስ ስለተንቀሳቀሱ ነው በተቀዋሚነት ሰው አይታሰርም ዶ/ር መረራ መቼ ታሰሩ ሲሉ ተደምጠዋል። ዶ/ር መረራን ለሽፋን አስቀምቶሌሎቹን ለማሰሩ ሕጋዊ ሽፋን ለመስጠት የሞከረው አካል ሰሞኑን በጀመረው የተጠናከረ የማሰር እርምጃ አውቁን ፖለቲከና ማሰሩ በአገር ውስጥ ሙሉ ለሙሉ አውነተና ተቃዋሚዎችን አስሮ ለመጨረስ መወሰኑን ያሳያል ብለዋል:፡

ዶ/ር መረራ ጉዲና እ.ኤ.አ በ2010 ለቢቢሲ በሰጡት ቃል እኔ ብታሰር ሰላሳ ሚሊዮን አሮሞ ትግሉን አጠናክሮ ይቀጥላል ።የሕዝቡ ጥያቄ ካልተመለሰ እስር መፍትሄ አይደለም ማለታቸው ይታወሳል።

የወቅቱ የኮሚኒኬሽን ሚ/ር ዶ/ር ነገሬ ሌንጮ ስለ ዶ/ር መረራ መታሰር ከውጭ ጋዜጠኞች ተጠይቀው እንደማያውቁ ተናግረዋል:፡ መረጃው ከአሳሪዎቹ ከህወሓት ባለስልጣናት ወደ ይስሙላዎቹ ባለስልጣናት ጋር እስኪደርስ ስንት ቀን ይፈጃል ? የሚል ጥያቄ ያስከትላል።

ዶ/ር መረራ ገዲና ከአስቸኳይ ጊዜ አዋጁ በሁዋላ በጅምላ እንደሚታሰሩት ፍርድ ቤት ሳይቀርቡ ይቅር ወይም ያቅርቧቸው ታወቀ ነገር የለም።

ይህ በእንዲህ እንዳለ ዓለም አቀፉ የመብት ተሟጋች ድርጅት አምንስቲ ኢንተርናሽናል ኢትዮጵያዊው የተቃዋሚ ፓርቲ መሪ ፕ/ር መረራ ጉዲና መታሰራቸው አውግዞ የእስሩንም እርምጃ አናዳጅ ማለቱ ተጠቅሷል።

posted by tigi flate